ned - 30.04.2006
postajen zvizda :o), splićani primite me među svoje
From: "Paola Kranjcevic" paola.kranjcevic@radiodalmacija.hr
To: xvii_st@yahoo.com
Subject: Mali upit :)
Date: Fri, 28 Oct 2005 19:27:57 +0200


Draga Sedamnaeska,

Namjera mi je sutra ujutro par minuta programa posvetiti blogu, posebno Splitu na blogu. Imam li dopuštenje spomenuti tvoj blog i dati komentar? Sve pozitivno, naravno.:)

Paola


i tako ja sinoć poza jednega jako dobroga filma uštekan još malo ovu škatulu, povirin u emajliranu škrabicu i nađen ovi mail. ohoho, vidi ti ča je novinar profesionalac, a? a zašto bi joj iko reka išta kontra kad onako šesno vodi emisije na radio dalmaciju. narafski, jutros je iša ti prilog, ko je čuja, čuja je, a ko nije, a šta ću mu ja, e... rečeno je šta je blog, šta se sve more nać na blogovima i onda se još moglo čut kako i šta na XVII blog nota jedna zadranka ča živi u splitu. spomenili su slike splita, palac cara dioklecijana, štorije iz spliskih lučica i kala koje ja ovod notajen, ricete i rižot o' liganj, a i čitalo se kakav je dalmatinac tipični u banju. fala radio dalmaciji i Paoli, sve +5. dakle, čitajte ovi blog, svečano obećajen da će bit još puno sadržaja, novitadi, tekstova, slika, svega.

vengo, jedino, mislin se oko ovega zadranka, e... zadar volin, to je drugi grad u mon srcu poslin splita. evo ću van špijat, moji su po materi puste godine u splitu, u splitu mi se rodila i mater i baba i prababa (a i još dalje), a ja u zadru sticajen okolnosti. ćaća mi je bodul koji je godinama živija u zadru. sa otoka murtera, misto betina, e... kažu niki da je to misto raj na zemlji, tot jemate brodogradilište o' drvenih brodi, kalafate sa dugon tradicijon pa van moran reć da povirite ako vas put na nanese u šibenski kraj, e... povirite i na kornate, e... blizu van je to, a jemate šta vidit, e... a ča se zadra tiče, narafski, nike svojte jeman u zadru i po materinoj strani. i sad se mislin, volin zadar, obožavan ga, ali ipak ja živin i radin u splitu. ovod jeman pretke. split je najprvi u mome srcu. paaaaaa, splićani, oćete me primit među svoje, a? a mogli bi, e... gren ča, jemate pozdrav!
notano o' xvii: 29.10.2005., 18:20
stivano ovod na dan i uru 30. travanj 2006 15:41:00 o' XVII
0 komentara link na post
0 komentara
link na ovi post:
<$BlogBacklinkControl$> <$BlogBacklinkTitle$> <$BlogBacklinkDeleteIcon$>
<$BlogBacklinkSnippet$>
posted by <$BlogBacklinkAuthor$> @ <$BlogBacklinkDateTime$>
<$BlogItemBacklinkCreate$>
<< Home